ඇමරිකාවේ හෙද සේවය සඳහා ශ්‍රී ලාංකික හෙද හෙදියන් යොමුකිරීම මේ වනවිට ආරම්භ කර ඇති බව විදේශ සේවා නියුක්ති කාර්යාංශය ප්‍රකාශ කළා.
ඒ අනුව පළමු හෙද නිලධාරිනිය පෙරේදා ඇමරිකාව බලා පිටත්ව ගිය අතර, තවත් 25 දෙනෙකු ඇමරිකාව බලා පිටත්ව යාමට පුහුණුව ලබමින් සිටිනවා.
හෙදියක වශයෙන් වසර 2 ක පළපුරුද්දක් ලබා ඇති වයස අවුරුදු 45 ට අඩු පිරිස්වලට මේ සඳහා අවස්ථාව ලබාගත හැකියි.
ඇමරිකා එක්සත් ජනපදයේ හෙද සේවය සඳහා පිටත්ව යන ශ්‍රී ලාංකික තරුණ තරුණියන්ට ඇමරිකානු ඩොලර් 5,000 ක මූලික වැටුපක් හිමිවන බවයි විදේශ සේවා නියුක්ති කාර්යාංශය ප්‍රකාශ කළේ.
