ඇමරිකානු අභ්‍යාවකාශ තාක්ෂණ නිර්මාණකරු සහ ව්‍යවසායක එලොන් මස්ක් ලෙන තුළ සිර වූ ළමයින් බේරා ගැනීම සඳහා මිනි සබ්මැරීනයක් රැගෙන අද තායිලන්තයට පැමිණියා.
කෙසේ නමුත්, ලෙන තුළ සිර වී සිටි ළමයින් 8 දෙනෙකු මේ වන විට මුදාගෙන ඇති අතර, අවසන් ළමයින් 4 දෙනා සහ පුහුණුකරු අද මුදා ගැනීමට හැකි වනු ඇතැයි අපේක්ෂිතයි.
කෙසේ නමුත්, එලොන් මස්ක් කියා සිටියේ යම් හෙයකින් එම ප්‍රයත්නය අසාර්ථක වුවහොත් සිය සබ්මැරීනය ඒ සඳහා උපයෝගී කර ගත හැකි බවයි.
එමෙන්ම එය ඉදිරි අවශ්‍යතාවක් සඳහා යොදා ගැනීමේ අරමුණින් තායිලන්තයට ලබාදෙන බව ද ඔහු සඳහන් කළා.
ලෙන තුළ සිරවූ ළමයින්ගේ පාපන්දු කණ්ඩායමේ නමින් වයිල්ඩ් – බෝ ලෙස නම් කෙරුණු මෙම සබ්මැරීනය නිර්මාණය කර ඇත්තේ අභ්‍යාවකාශ තාක්ෂණය උපයෝගී කර ගනිමින්.
