යුදමය ජයග්‍රහණයෙන් පසු යළිත් රට තුළ ගැටුම්කාරී තත්ත්වයක් ඇතිවීමේ අවදානමක් මතුවෙමින් පවතින බව අස්ගිරි පාර්ශ්වයේ අනුනායක පුජ්‍ය ආනමඩුවේ ධම්මදස්සි හිමියන් පවසනවා.
නව යුද හමුදා මාණ්ඩලික ප්‍රධානී මේජර් ජෙනරාල් ශවේන්ද්‍ර සිල්වා මහතා අස්ගිරි හා මල්වතු මහ නාහිමියන් බැහැ දැක ආශිර්වාද ලබා ගැනීමට පැමිණි අවස්ථාවේදී උන් වහන්සේ මේ බව සඳහන් කළා.
යුද හමුදාවේ නව මාණ්ඩලික ප්‍රධානී ධුරයට පත්වීමෙන් පසු මේජර් ජෙනරාල් ශවේන්ද්‍ර සිල්වා මහතා ඊයේ පස්වරුවේ මල්වතු මහා විහාරයට ගොස් මහ නාහිමියන් සහ අනුනාහිමියන් බැහැ දැක ආශිර්වාද ලබා ගත්තා.
පසුව ඔහු අස්ගිරි විහාරයට පැමිණ මහ නාහිමියන් බැහැ දැක ආශිර්වාද ලබා ගත්තා.
අනතුරුව මාධ්‍ය වේදීන් ඇසූ ප්‍රශ්නවලට යුද හමුදා මාණ්ඩලික ප්‍රධානී මේජර් ජෙනරාල් ශවේන්ද්‍ර සිල්වා මහතා මෙලෙස ප්‍රතිචාර දැක්වූවා.
