හිටපු මහබැංකු අධිපති අර්ජුන මහේන්ද්‍රන් සිංගප්පූරුවේ රැදී සිටින බවට ජාත්‍යන්තර පොලීසිය රහස් පොලීසියට නිල වශයෙන් දැනුම්දී ඇති බව නීතිපති දෙපාර්තමේන්තුව අද අධිකරණයට දැනුම් දුන්නා.
ඒ අදාළ නඩුව අද කොළඹ කොටුව මහේස්ත්‍රාත් ලංකා ජයරත්න හමුවේ කැදවූ අවස්ථාවේදීයි.
මීට පෙර අවස්ථා කිහිපයකදී අධිකරණය හිටපු මහබැංකු අධිපතිවරයා අත්අඩංගුවට ගන්නා ලෙස රතු නිවේදන ද නිකුත් කර තිබුණා.
මේ අතර, පර්පෙචුවල් සමාගමේ හිමිකරු අර්ජුන් ඇලෝසියස් සහ ප්‍රධාන විධායක නිලධාරි කසුන් පලිසේන අද අධිකරණය හමුවට ඉදිරිපත් කළ අතර ඔවුන් ලබන මස 7 වනදා දක්වා යළි රක්ෂිත බන්ධනාගාර ගත කර තිබෙනවා.
