අයිස් නැමති මත්ද්‍රව්‍ය තොගයක් කටුනායක ගුවන් තොටුපොළේ දී අද (01) දින අලුයම පොලිස් මත්ද්‍රව්‍ය නාශක අංශයේ නිලධාරීන් පිරිසක් විසින් අත්අඩංගුවට ගෙන තිබෙනවා.
22 හැවිරිදි වියේ පසුවන මෙම ඉන්දීය ජාතික තරුණයා , ශ්‍රී ලංකාවට පැමිණ ඇත්තේ මුල් වරටයි.
ඔහු අද (01) දින අලුයම 1.48 ට ඉන්දියාවේ චෙන්නායි නුවර සිට පැමිණි ස්පයිසි ජෙට් ගුවන් සේවයේ එස්.ජී.- 001 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබුණා.
ඔහු විසින් රැගෙන ආ ගමන් මල්ලේ ව්‍යාජ පතුල් දෙකක , මෙම අයිස් මත්ද්‍රව්‍ය පාර්සල් දෙකක් ලෙස සකස් කර සගවා ගෙන තිබියදී කටුනායක ගුවන් තොටුපොළ පොලිස් මත්ද්‍රව්‍ය නාශක අංශයේ නිලධාරීන් අත්අඩංගුවට ගනු ලැබුවා.
ඒවායේ මුළු බර ග්‍රෑම් 484 ක් වන අතර , මෙම මත්ද්‍රව්‍ය තොගයේ වටිනාකම රුපියල් 58 ලක්ෂයක් බව පොලිස් මත්ද්‍රව්‍ය නාශක අංශයේ උසස් නිලධාරීවරයෙකු ප්‍රකාශ කළා. 
ඡායාරූප – කටුනායක, ටී.කේ.ජී. කපිල
