මහසෝන් බලකායේ ප්‍රධානී අමිත් වීරසිංහ ඇතුළු සැකකරුවන් තිදෙනෙකුට මහනුවර මහාධිකරණයෙන් නියම කළ ඇප නියෝගය අද තෙල්දෙණිය මහේස්ත්‍රාත් ශානක කලන්සූරිය විසින් ක්‍රියාත්මක කර තිබෙනවා.
ඒ අනුව, එක් අයෙකු රුපියල් ලක්ෂ 5 ශරීර ඇප 3 ක් සහ රුපියල් 25,000 මුදල් ඇප මත මුදා හැරීමටයි විනිසුරුවරයා නියෝග කළේ.
ඊට අමතරව සෑම ඉරුදිනකම ත්‍රස්ත විමර්ශන කොට්ඨාශය හමුවේ පෙනී සිටින ලෙසට ද සැකකරුවන්ට නියෝග කෙරුණා.
ගොනුකර තිබූ මෝසමක් සලකා බැලීමෙන් පසු, මහනුවර මහාධිකරණය පසුගියදා මොවුන්ට ඇප නියම කළ අතර, මාස 7 කට ආසන්න කාලයක් සැකකරුවන් රක්ෂිත බන්ධනාගාර ගත කර තිබුණේ මහනුවර ඇති වූ නොසන්සුන්කාරි සිද්ධිය සම්බන්ධයෙන්.
ඡායාරූප – මහනුවර චන්දන උඩුවාවල
