අපරාධ සිද්ධීන් රැසකට සම්බන්ධ කල්ලියක් වැල්ලම්පිටිය ප්‍රදේශයේදී අත්අඩංගුවට ගනෙ තිබෙනවා.
පොලීසිය සදහන් කළේ පුද්ගලයන් පැහැර ගෙන ගොස් බියගන්වා කප්පම් ලබා ගැනීමට උත්සාහ කිරීම ඇතුළු සිද්ධීන් ගණනාවකට මෙම පුද්ගලයන් සම්බන්ධ බවට තොරතුරු හෙළි වී ඇති බවයි.
මියගිය ප්‍රබල පාතාල නායකයෙකු වන ප්‍රින්ස් කොලම් නමැත්තාගේ බිරිදගේ සහෝදරයෙකු විසින් මෙම අපරාධ කල්ලිය මෙහෙයවා ඇති බවට ද තොරතුරු අනාවරණ වී ඇති බවයි පොලීසිය පවසන්නේ.
අත්අඩංගුවට ගත් මෙම අපරාධ කල්ලි සාමාජිකයින් සිව්දෙනා හෙට දිනයේදී අධිකරණයට ඉදිරිපත් කිරීමට නියමිතයි.
