ශ්‍රී ලංකා ක්‍රිකට් ආයතනය විසින් සංවිධානය කරන අන්තර් පළාත් විස්සයි විස්ස තරඟාවලියේ කණ්ඩායම් 04ට අදාළ පුහුණුකරුවන් ක්‍රිකට් ආයතනය විසින් නම්කර තිබෙනවා.
ඒ අනුව අවිශ්ක ගුණවර්ධන, රෝයි ඩයස්, පියල් විජේතුංග සහ සුමිත්‍ර වර්ණකුලසූරිය මෙලෙස පුහුණුකරුවන් ලෙස නම්කර ඇති බවයි වාර්තා වන්නේ.
අගෝස්තු 21 වනදා ආරම්භවන මෙම තරඟාවලියට ගාල්ල, කොළඹ, මහනුවර සහ දඹුල්ල ලෙස කණ්ඩායම් 04ක් එක් වනවා.
ඒ අනුව අවිශ්ක ගුණවර්ධනට කොළඹ කණ්ඩායමේ ප්‍රධාන පුහුණුකරු ධුරය හිමිව ඇති අතර ගාලු කණ්ඩායමේ පුහුණුකරු ලෙස කටයුතු කරන්නේ රොයි ඩයස්.
නුවර කණ්ඩායම පියල් විජේතුංගට හිමිව ඇති අතර සුමිත්‍ර වර්ණකුලසූරිය දඹුල්ල කණ්ඩායමේ ප්‍රධාන පුහුණුකරු ලෙස කටයුතු කරනු ලබනවා.
