දිවයින ආසන්න පහළ වායුගෝලයේ පවතින කැළඹිලි ස්වභාවය හේතුවෙන් අද පස්වරුවේ දිවයිනේ බොහෝ ප්‍රදේශවලට ප්‍රබල අකුණු සමඟ තද වැසි ඇති විය හැකි බව කාලගුණ විද්‍යා දෙපාර්තමේන්තුව පවසනවා.
එම දෙපාර්තමේන්තුව සඳහන් කළේ සබරගමුව, මධ්‍යම, දකුණ, ඌව, බස්නාහිර සහ වයඹ පළාත්වලට මිලිමීටර් 100ට වැඩි තද වැසි ඇති විය හැකි බවයි.
එමෙන්ම, දිවයිනේ සෙසු ප්‍රදේශවලට ද පස්වරුවේ වැසි සහිත කාලගුණ තත්ත්වයක් පවතින බවයි එම දෙපාර්තමේන්තුව වැඩිදුරටත් සඳහන් කළේ.
